Благодарю́ Тя́, ми́лостивый Го́споди, я́ко яви́л ве́лие попече́ние о душе́ мое́й, да́руя е́й благо́е и спаси́тельное уче́ние Це́ркви Свое́й свято́й. Не посрами́ же ве́ру мою́, но па́че приведи́ мя́ ко спаси́тельному Твоему́ Го́рнему Ца́рствию. Сози́жди в душе́ мое́й Ца́рствие Свое́ и сподо́би в не́м неисхо́дно пребыва́ти, да не во осужде́ние и поги́бель бу́дут мне́ Твои́ за́поведи, но во исправле́ние, оставле́ние грехо́в и в ве́чную жи́знь по сла́внем Твое́м прише́ствии, ами́нь.